Na die kamp naweek in Urunga - oppad terug Port Macquarie toe, het ons gou middagete gekry en sommer daar langs die pad by 'n tafeltjie gesit en eet. Ruan het regoor my gesit en terwyl hy nog so smul aan sy broodjie, sien ek maar hier is dan nou 'n gat waar 'n tand was! Gelukkig het hy nie die tand ingesluk nie en kon ek darem die tand hou om vir die Tooth Fairy te bêre. Gou gou net die bloederigheid uitgespoel met water en die meneertjie spog met 'n tandlose glimlag!
Baie in sy noppies het ons die aand sy tand onder sy kopkussing gesit en ek het ook vir die Tooth Fairy 'n briefie geskryf om te vertel van Ruan wat sy tand gewissel het en dat ons die tand die aand onder sy kopkussing gaan bêre.
Die Tooth Fairy het toe vir Ruan kom kuier deur die nag en vir hom 'n oulke sertifikaat vir sy eerste tand gelos en ook $5! Ruan was baie trots toe hy die oggend dit onder sy kopkussing kry.
No comments:
Post a Comment