En toe breek hierdie dag ook aan vir ons...'n dag waarna 'n mens partykeer uitsien en dan hoe nader die dag kom, hoe minder sien jy daarna uit en begin jou hartklop sommer te versnel...altans, vir hierdie mamma was dit die geval!
My grootman Ruan se eerste skooldag het aangebreek....nie sommer net kleuterskool of soos ons dit hier ken Preschool nie...nee...GROOT skool jong. Uniform, tas, kosblik, hoed...elke ding! Vandag was Ruan se eerste Kindergarten (Kindy) dag by Hastings Public School...of soos ons mense in Suid-Afrika dit sal ken, graad 0.
Hierdie dag het met vreeslike opgewondenheid van Ruan se kant af begin. Elke 5 minute vandat hy sy oë vanoggend oopgemaak het, wil hy weet of hy nou al sy skoolklere kan aantrek! En elke tweede woord wat ons uit sy mond uit hoor is dat hy skool toe gaan...nou ja, dan is dit mos 'n teken die mannetjie wil skool toe gaan jong!
Na ontbyt en tandeborsel het Etienne (wat die dag verlof geneem het om hierdie spesiale dag saam met Ruan te kan deel) vir Ruan gehelp om sy skoolklere aan te trek.
 |
| Ruan se skool uniform en skoolsak |
 |
| Besig om skoolklere aan te trek |
En hier is sy kosblik met waterbottel.
Mamma het darem 'n interessante kosblik probeer pak...vir Recess het hy gekry...jogurt, druiwe en koekies (rice crackers) en vir lunch het hy gekry sy broodjie (snackwich), potato puffs, wortelstokkies, 'n kasie, neute, jogurt en 'n boksie smarties vir poeding.
In sy noppies het hy ewe groot meneer vir ons gepose vir 'n foto of twee met sy nuwe skool klere en skooltas - nadat hy seker gemaak het Mamma het sy "lunchbox" ingepak.
En natuurlik het Nella 'n boodskap vir Ruan gestuur wat hom nog meer opgewonde gemaak het dat hy skoon terug gesels het!
Daar is ons toe skool toe.
Eers gou gaan loer in watter klas Ruan is - na hul "best start interviews" om te bepaal in watter klassie hulle die gemaklikste sal aanpas, kon ons eers vanoggend uitvind in watter klas hy gaan wees. Nou ja, oppad na klaskamer nommer 2 by Juffrou Fieldsend. Daar is darem so 'n paar "boys" in Ruan se klas, seker iets wat hy die meeste na uitgesien het, en dis dat hy met "boys" kan gaan speel.
 |
| Etienne kyk op die lys in watter klas Ruan is |
 |
| Al sy klasmaats se name buite op die deur - Juffrou Fieldsend se klas |
In sy klaskamer het ons sy juffrou ontmoet en toe gou sy waterbottel en vrug vir tea-time gaan neersit, waar ons ook 'n naamkaartjie vir hom gekry het om op te sit. Toe het ons sy skoolsak gaan ophang buite by die klaskamer. Terug in die klas, het hy hom ewe gemaklik gaan rustig maak by 'n tafel met blokkies en speelgoed. Nie lank daarna nie, het hy saam met 'n ander seuntjie op die grond gaan sit en karretjies speel. Hier het ons besluit, dit is die tyd om stadig en stil ons uittog te neem. Natuurlik was Ruan min gespin oor ons en het rustig totsiens gesê met "I love you's en hugs & kisses" en toe verder gespeel.
 |
| Ruan hang sy skoolsak buite by sy klas op |
 |
| Sy klaskamer van buite af |
 |
| Eerste gesig - na skooldag! |
Toe ons hom vanmiddag gaan haal was hy bly om ons alles te vertel, vreeslik met opgewondenheid...dit was 'n goeie dag! Hy het ook 'n sertifikaat gekry om sy eerste dag van skool te onthou. Sy juffrou het ook ons gerus gestel dat Ruan 'n heerlike dag gehad het en ook interaksie met maats gedeel het.
 |
| Juffrou Fieldsend sê Ruan het 'n heerlike dag gehad |
Vir so oulaas 'n rukkie op die klimraam gaan speel en toe het ons huiswaarts gekeer - 'n vreeslike opgewonde en emosionele dag - ja ok, miskien net vir hierdie mamma - maar nogtans 'n groot dag in ons Gogga-bom se lewe!
 |
| Hhmm...'n moontlike vriendskap aan die broei? Ons hoop so... |
Toe ek later sy skoolklere help uittrek sê ek vir hom..."I love you my angel" waarop hy toe vir my antwoord..."I'm not angel, I'm a schoolboy"!!!
