Bianca se 1ste skooldag

Vandag begin Bianca ook met haar skool....nou wel net kleuterskool maar vir haar is dit GROOT skool hoor!  Sy is vreeslik opgewonde oor skool toe gaan en met maatjies gaan speel.

Ons het ook vir haar 'n nuwe skoolsak gekry met kosblik en waterbottel - kyk dis mos nou nie elke dag dat jy vir die eerste keer skool toe gaan nie of hoe!

My Gogga-bom en Poppelops, reg vir skool!

Bianca gaan vir eers net 1 dag 'n week skool toe gaan - die kleuterskole hier is vrek duur.  Die skool waar sy is, Fernhill Road Preschool (http://www.portmacquariechildcare.com.au/fernhill.html) is baie oulik met 'n heerlike klas vir kleuters - Bianca het sommer dadelik ingeval by die kombuisie - een van haar gunsteling aktiwiteite. 

Bianca voor haar klaskamer

Die klasmaats se name vir hul hokkies

Bianca sit haar naam vas in haar hokkie

Bianca se hokkie met haar sak

Daar is ook 'n heerlike leeshoekie waar die juffrou vir hulle sit en stories lees.

Die buite speel area is ook heerlik toegerus met iets vir elkeen....van fietsies tot klimraam en sandput.  

Daar is tot 'n groentetuin en ook 'n dieretuin...die dieretuin nou wel net afbeelde van diere maar baie interessant vir die kinders.

Bianca het sommer dadelik ingeval en begin speel.  Ja, sy laat nie op haar wag nie, en toe ek weer kyk het sy sommer al klaar met 'n maatjie begin speel en gesels.

Ek weet sommer Bianca gaan haar skool geniet!  My ou meisiekind wat nou so groot raak...ek sal maar moet begin soek na daardie skilpad waarvan die ou mense altyd gepraat het...hoe gaan daardie spreekwoord...as 'n kind te vinnig groei, sit 'n skilpad op sy kop dan groei hy stadiger...!  En Etienne sal moet begin spaar vir daardie haelgeweer wat hy sal moet aanskaf!