Maar ek moet sê ek was baie gelukkig om hom raak te sien hoor. Glad nie verwag nie, glad nie eers daaraan gedink nie...jy weet mos hoe dit gaan - amper soos in die Wildtuin waar jy jou oë seer kyk na 'n leeu of luiperd...nou ja, hier in Aussie land is die Koala seker maar soos die Afrika leeu...jy kyk jou oë seer tot jy dan maar moed opgee...
Ek het vanmiddag met die wa geloop om vir Ruan by die skool te gaan haal. Oppad terug is dit al geselsende aan die loop en iets sê net vir my ....kyk op! En wraggies....daar in die mik van die boom sit die meneer en droom...altans ek dink dis 'n meneer...!
Ek kry toe dadelik my foon uit om met die 'n foto of twee te neem...ek meen ek moet darem bewyse hê anders gaan niemand my glo nie! Daar word die mistertjie wakker en is toe baie nuuskierig met ons doen en late. Die kinders was van....Oe, look a koala...en dit was dit...toe het Ruan met stokke begin speel. Wat natuurlik vir die koala baie indrukwekkend was want hy het bly kyk wat Ruan doen. Was seker vir hom net so baie opwinding soos dit vir ons -of my altans - was!
Hier is 'n paar fotos wat ek met my foon geneem het - ek het gemerk hoe naby aan die pad hy eintlik was!
No comments:
Post a Comment