Kings Park uitstappie

Na 'n week of wat van reën het ons die naweek heerlike sonskyn weer gehad.  Ons het besluit om Kings Park te gaan verken.  Ons het 'n piekniek mandjie gepak en eers middag ete op die grasperk gaan geniet waarna ons toe dapper stapper die park begin verken het.

 Ons het toe by Rio Tinto Naturescape (http://www.bgpa.wa.gov.au/education/naturescape) gekom waar ons 'n Scavengerhunt gedoen het!  Dit was heerlik en die kinders het dit geniet om vir die leidrade te soek.  Dis 'n baie oulike en goed uitgelegte park.

Vandaar het ons begin aan stap na die speel park toe - maar genugtig - teen die tyd was ons bene al moeg en was dit omtrent nog so 1.5km se loop na die parkie toe.  Ek en die kinders het sommer daar gewag terwyl Etienne die motor gaan haal het.

By die parkie aangekom was dit omtrent besig - almal geniet die sonskyn!  Ons het toe besluit om eerder 'n latere stadium na die parkie toe te gaan.

Daar is soveel te doen en te sien in Kings Park (http://en.wikipedia.org/wiki/Kings_Park,_Western_Australia) - ons sal beslis weer daar gaan rondloop.

 

Jump jump jump

Ruan wou nog altyd hierdie bungy trampoline ding doen.  Moet sê dit lyk na vet pret. Die een Saterdag het ons bietjie gaan rondloop by 'n winkel kompleks waar daar toe van hierdie bungy trampoline goed opgestel is.

Dadelik het Ruan begin glimlag en omtrent omgeval soos hy hom weer verkyk daaraan.  Nou ja toe, daar besluit ons hy kan gerus dit 'n kans gee.  Erg opgewonde het hy in die ry gaan staan.  Hy het dit omtrent geniet en kan seker nie wag vir sy volgende keer nie!