Baie geluk onse Gogga-bom met jou
5de verjaardag!!
Die oggend van Ruan se verjaardag is ons almal sommer vroeg vroeg op en aan die gang. Natuurlik sommer so saam met die eerste oggend koffie word daar toe persente oopgemaak.
Was die verjaardag mannetjie darem in sy skik met al sy persentjies en kaartjies (baie dankie aan almal wat aan Ruan gedink het met sy verjaardag).
Hierdie jaar was sy tema vir sy verjaardag Hot Wheels en kyk, dit was omtrent karretjies voor en karretjies agter!
Na al die opgewondenheid van geskenke oopmaak bietjie bedaar het, het Etienne gehelp om van dit aan mekaar te sit terwyl ek gou Ruan se skoolgoed reg gekry het en ook ontbyt gemaak het.
Hot Wheels Racing Ramp!
Ruan is skool toe, en ons het nie die gewone cupcakes saam gestuur nie. Ons het cakepops gemaak wat ons in 'n rice crispie koekies gesit het. Die kinders was mal daaroor!
