Hoe ry die boere sit-sit so.....

Ons het vandag ons motor gekry....!!!!  Wel, ek moet sê ons het nie eintlik gesukkel sonder vervoer nie aangesien ons vandat ons hier geland het, 'n car rental gehad het.

Ons het die hele "kar-soek" ding gedoen verlede week - omtrent na elke car-dealer toe gegaan en het toe op die ou einde besluit op die Toyota Camry.  Soos die spreekwoord sal gaan...waarde vir geld!  Ons het 'n goeie deal gekry en verder het alles heel goed afgeloop. 

Etienne het vanmiddag na werk die kar gaan kry, waarna ons vir die eerste keer 'n entjie gaan ry het - sommer bietjie by die dorp uit, om so ook bietjie van die "countryside" te sien.

Langs die pad het ons toe heel toevallig 'n troppie Kangaroos gesien!!  Ja, ons eerste kangaroo spotting!  Ruan het dit omtrent geniet (weet nie hoeveel hy van die Kangaroos gesien het nie, want dit was nogals 'n entjie weg die veld in).  Ons moet nou net die heel tyd die Kangaroos soek.