We're leaving on a Jetplane....

Ja, en toe is die tyd hier vir die groot trek - tasse gepak en geweeg (en vir veiligheidsdoeleindes sommer gewrap ook!).  Ons het die oggend 'n lekker familie (Oliviere) ontbyt gaan geniet by 'n lekker gesellige koffieshop in Middelburg, waarna ons deurgery het Pretoria toe om die ander familie (Saaymans) te gaan groet.

Anel het ons toe deurgeneem lughawe toe.  Die kinders was opgewonde oor die groot vliegtuig ry...soos Ruan sê!  Hulle het elkeen hulle eie handbagasietas gehad...met wielietjies en al sodat hulle dit kon trek.

Die tasse inboek het baie goed afgeloop en daarna het ons almal gaan pizza eet voordat ons vir Anel gegroet het en deurgegaan het om te board.

Die kinders het dit vreeslik geniet om te kyk na die Groot Vliegtuie! 

Hulle het ook vlieg self baie geniet.  Kan nie glo dat hulle so soet was op so 'n lang vlug nie.  Na alles gekyk toe ons eers inklim...wat doen die knoppie, kyk hier kan jy iets oplig...daai tipe van dinge!  Toe ons land en begin afklim het 'n paar mense vir ons gesê hulle kan nie glo dat sulke klein kinders op so 'n lang vlug so soet was nie!  (Asof hulle - toe hulle die 2 kinders sien opklim - gedink het ...oh dear...hier gaan ons niks slaap nie!!)