Hierdie week was maar taamlik besig en deurmekaar.
Ons het gesukkel - sukkel maar nogsteeds - met die aanpassing met die tydverskille! Die kinders se klokke was omtrent deurmekaar.... gaan slaap eers 10uur/11uur in die aand, dan weer wakker tussen 1uur en 3uur en dan slaap hulle tot 10uur in die oggend. Gelukkig begin dit nou beter gaan en lyk dit of ons hulle darem weer binnekort in 'n gewone slaappatroon sal kan kry.
Ons het hierdie week ook 'n bankrekening oopgemaak, gekyk na 'n kar, deur die woonbuurte gery en al daai dinge om ons voete net te help vind.
Etienne was gister op induksie en het gisteraand saam met sy nuwe kollegas 'n paar biere gaan drink.
Ons het baie gesukkel met internet konneksie - die woonstel waar ons bly kan jy - ten duurste natuurlik - internet konneksie kry, maar dit was ongelooflik stadig. Ons het toe gister ook vir ons 'n modemstokkie gekry, (soos die wat ons in Suid-Afrika kry). Wat 'n verandering - waar ons gesukkel het met skype en om die blog te update - kan ons nou lekker agteroorsit en selfs met 'n lekker beker koffie sit en gesels/update!!
Nou ja, laat ons eers die dag begin. Gou die kinders kos gee en aantrek voordat ons weer die strate invaar!
Tot volgende keer
xxx
Subscribe to:
Post Comments (Atom)
No comments:
Post a Comment