25/12...Kersdag

Kersvader hier in die Olivier huis het sommer al vroeg vroeg geloop - sommer so reg deur Desember het hy gou hier en daar 'n persentjie onder die boom kom sit - want soos ons vir die kinders verduidelik het, dit is darem gans en al te veel werk vir Kersvader om alles in een aand te doen.

Vroeg oggend - met ons oggend boeretroos so in die hand - het Etienne (want sien, Kersvader het darem vir Etienne gevra om hom te help) die geskenkies uitgedeel.  Sjoe maar die kinders was omtrent opgewonde!  Hulle is baie in hulle noppies met hulle nuwe geskenke en weereens wil ons baie dankie sê vir Kersvader (...lees asseblief tussen die lyne, al die oumas en oupas, ooms & tannies en vriende!!) vir ons mooi geskenke!

  

Etienne vreeslik gaande oor hierdie geskenk van Owen af...wonder hoekom!!!

Prinses rok en skoene vir onse eie prinsessie.

Etienne gaan beslis hierdie geskenk gebruik!!

Kinders was mal oor hul "remote controlled" karre.

Die kinders het gou van hul geskenke gaan aantrek en vir ons gepose vir 'n foto of twee. 

Na al die opgewondenheid van die geskenkies bietjie bedaar het, het ons almal klaargemaak om 'n entjie langs die strand te gaan stap.  Soos gewoonlik kon ons nie vir Ruan uit die water hou nie, en het hy gou gou gaan afkoel in die water.  Die heerlike water het naderhand tot vir Bianca gelok.

Ek en Anel het toe die kinders saam met Etienne by die strand gelos vir so bietjie lyf natmaak en terug gekom huis toe om die kersete en tafel klaar te maak.  Na so rukkie het ek vir Etienne en die kinders gaan haal waarna ons toe aangesit het vir 'n heerlike kersete - gevolg met die belangrikste natuurlik - kerspoeding!!!

Trifle vir kerspoeding!