Ons visvang uitstappie - 25/09/11

Ons het gister (Sondag, 25 September 2011) vir 'n uitstappie hier na Lake Albert toe gegaan.  Etienne het die kinders belowe ons sal bietjie gaan visvang.  Met die dat die weer so lekker is die afgelope dae, is al wat leef en beef uit en geniet die son.  Daar was baie mense wat vir wandelinge om die Lake gegaan het, ander het fietsgery en sommiges soos ons het gegaan vir 'n lekker piekniek en speel in die park.

Ons het ons piekniek kombersie en stoele uitgepak en Etienne het begin om die visvang goed reg te kry.  Die kinders was vreeslik opgewonde.

Al is Ruan siek met mangelontsteking het ons gedink die uitstappie sal hom goed doen, en hy het baie lekker baljaar in die water en was baie trots dat hy weereens voor sy Daddy 'n vis gevang het!

Bianca was ook vreeslik in haar noppies met haar vis wat sy gevang het - al het Daddy die inkatrol en uithaal van die vis gedoen.





 

Ruan se groot knewel wat hy gevang het!

Dit was 'n baie geslaagde vis-ekspidisie!  Etienne se resep vir aas het goed gewerk.  Ons het opgehou tel om en by 8 visse en toe het Etienne naderhand maar net gevang!  Daar het naderhand so 'n klein skare mense kom kyk na al die vis wat Etienne uittrek - natuurlik het ons die visse weer teruggegou in die dam.  Ek sê nogals vir Etienne, kyk as Middelburg se Observer daar was, sou hy sekerlik vandag in die koerant gewees het....iets soos..." Plaaslike piekniekganger se kerrie muti werk vir die groot knewels...."

Kyk die "pose"....

 

Ruan sal altyd 'n stok vind, maak nie saak waar hy is nie!!

Dit was 'n heerlike gesinsdag uit en ons het lekker ontspan en die kinders het die parkie net so baie geniet - veral die swing.

Well done Ruan!

Ek is so trots op Ruan - hy het baie goed gedoen met sy swem en van volgende termyn is hy in die volgende "level".  Hy geniet sy swem vreeslik baie.

Geluk Ruan, ons is trots op jou xxx

Sushi!

Toe ons in NZ gekuier het, sushi vir middagete gekry.  Jong, net om na al die kleurryke sushi te kyk maak jou mond sommer water....wie het nou gesê jy eet net met jou mond en maag...nee alla wêreld, jou oë eet sommer saam - as kos mos vir jou mooi lyk, sal mos dit mos mooi proe ook!!!  Ek bedoel lekker proe!

Ek het toe nogals 'n smaak ontwikkel vir die kos jong - dis nie almal wat van sushi hou nie, maar ek moet sê ek hou nogals daarvan!

Terug in Wagga het ons by 'n ander plek een keer sushi gekry en so paar dae daarna is ons lus vir sushi vir middagete...nou ja, in die supermark, besluit ons toe, nou hoekom probeer ons dit nie self maak nie!  Nogals 'n uitdaging as jy nog nooit vantevore so iets probeer het nie.

Wel, ek het toe maar ingespring en so in my onkunde (ons het darem 'n boek gekoop oor sushi maak...maar as jou maag nou kos soek is daar mos nie tyd om 'n boek te bestudeer nie....veral nie in 'n Olivier huishouding nie....!!)

My eerste probeerslag was geslaagd - al het dit nou nie so kunstig gelyk soos die wat jy in restaurante kry nie...maar ek was nogals in my noppies.

Nou sal ek net moet aanhou totdat ek die kuns bemeester het!

Go Bokke...Down Under!!!

Soos dit tradisie in die Olivier huis is, volg ons getrou onse ou Bokkies...en nou met die Wêreld beker moet ons natuurlik ons ondersteuning wys!

Dis nou hoe ons wys waar die hart lê!!! 

Hier kry 'n mens nie die "window socks" soos in Suid-Afrika nie - gelukkig het ons "gewapen" gekom en kom dit nou handig te pas.  Gelukkig het ons kar darem nog nie iets oorgekom soos 'n gebreekte venster of krapmerke as gevolg van daarvan nie!

Etienne het ook gesorg dat ons darem 'n goeie voorraad biltong en chillie bites het vir die rugby!  Hier het hy dit nou net klaar voorberei en is dit reg vir ophang.

Wel, een ding is verseker...hier gaan ons die rugby geniet...

GO BOKKE GO!!!!!!

It's legal!!

Hier in Australia werk dit nie soos in ander lande waar jy net jou bestuurslisensie kan omskakel nie....nee, jy moet gaan vir die hele storie - leerlinglisensie en dan weer 'n bestuurstoets.  En as jy jou PR kry het jy net 3 maande om dit dan te doen.  Maar aangesien my SA lisensie die 13de September 2011 verval het - moes ek maar vinniger inspring en dit agter die rug kry.

Ek het toe my leerlinglisensie gaan doen en dit darem die eerste keer gekry - ek meen - as jy na hoeveel jaar van bestuur nou weer moet terug gaan na die "basics" - dit kan nogals 'n storie wees! 

Intussen is ons met ons vakansie na NZ en met die wete dat as ons terugkom, moet ek die Vrydag my bestuurstoets gaan doen.

Nou ja, toe ons terug is in Wagga het ek by 'n bestuurskool 'n les gaan neem...net om my weer te verfris met die reëls en al daai tegniese goed!  Ek het ook gereël dat ek met een van die bestuurskool se motors die toets doen aangesien ons motor 'n automatiese motor is.  Ek het gehoor dat as jy jou toets met 'n automatiese motor doen jy dan net met 'n automatiese motor mag bestuur - maar aangesien ek my lisensie vir 'n goeie paar jaar al gehad het, was dit toe nie nodig nie.  Maar te laat om te verander het ek toe die toets in 'n ratkas motor gaan doen - wat maar soos fietsry is, dit kom vinnig terug na 'n mens toe om ratte te verander!  Gelukkig geen oepse gemaak nie!

Ek het maar bietjie opgestres omdat ek geweet het dit is "do or die" aangesien my SA lisensie net oor 'n paar dae verval...maar gelukkig het alles goed gegaan en vandag is ek volwaardige wettige Aussie bestuurder!  Sjoe! 

NZ Hols (Sat 03/09/11...Day 14)

En so kom alle goeie dinge ook tot 'n end.  Die Saterdagoggend het ons dou voor dag - letterlik! - opgestaan en lughawe toe gegaan vir ons terugvlug Australia toe. 

New Zealand was opwindend en pragtig en ons neem mooi en lekker memories saam met ons.  Dankie ook vir Andre en Heidi vir julle gasvryheid en die tydjie saam met julle.

Terug in Australia het Hein ons weer op Sydney lughawe kom haal en net na 'n vinnige koppie koffie by hulle het ons die lang ry terug na Wagga aangedurf.  Poegaai moeg het ons laat die aand by die huis gekom.

NZ Hols (Fri 02/09/11...Day 13)

KAYAK!!!  Die manne se geduld is uiteindelik beloon deur die Vrydagoggend te gaan vir kayaking in die hawe!  Ruan het saam met Etienne op 'n kayak gegaan.  Bianca was bietjie omgekrap want soos sy wou weet..."where's my boat?"

Die manne het dit baie geniet, al was Ruan so bietjie skrikkerig toe hulle eers uit op die water was - dis mos sy eerste keer op 'n kayak en nie juis geweet wat gaan gebeur nie - maar nogtans het hy dit geniet.

NZ Hols (Thu 01/09/11...Day 12)

Donderdagoggend het ons besluit dit is tyd vir die manne se kayak avontuur - maar daar aangekom, moes ons hoor dat hulle niemand uitlaat op kayaks in die hawe nie as gevolg van die weer - sterk winde.

Baie teleurgesteld moes ons dink wat om anders te doen....en ons besluit toe....Auckland Zoo....hier kom ons!!!  (http://www.aucklandzoo.co.nz/)

Ons het eers gestop vir 'n heerlike ontbyt by Takapuna Beach (http://en.wikipedia.org/wiki/Takapuna) vir lekker koffie en Egg Benedict...lekker...en die kinders het gesmul aan heerlike pannekoeke!

Groot meneer eet met mes en vurk!

Vandaar is ons deur Dieretuin toe.

Monkey Bianca

Spinjapies kyk na die spinnekoppe

By die meerkatte was daar ondergrondse tonnels waardeur jy kon kruip en kyk na die meerkatte - die kinders het dit nou baie opwindend gevind - maar ek het nogals benoud geraak want dit was baie besig met skoolgroepe ook.

Daar is orals sulke mooi plakkate wat verander as jy in verskillende rigtings vir dit kyk...baie goed gedoen.

Daar is ook 'n heerlike speel park vir die kinders.

En 'n heerlike gly - Bainca was mal daaroor - dit het baie skrikwekkend gelyk - uit hierdie mamma se oogpunt uit!  Maar Bianca het haar nie juis daaroor gekwel nie!